股市交投淡靜，證券行都各出奇謀留住客戶，信誠證券前晚在中總春茗，同日就舉行新春發財嘉年華會，港交所副營運總裁霍廣文亦有到場，佢同八方講，好支持證券行自行舉辦這些活動，讓散戶更了解股市及期貨市場運作。
一眾老記與霍廣文當然稔熟，但原來霍廣文在散戶心目中亦好有地位，話說昨日就有一位散戶攞住本書要霍廣文簽名，本書名為《鐵板神算》，至於點解要霍廣文喺呢本書簽名，八方就不得而知。但就聽到另一個散戶問霍廣文：「乜本書係你寫嘅咩？」霍廣文即刻耍手兼擰頭。
（圖）港交所副營運總裁亦有fans，有散戶攞住本《鐵板神算》請霍廣文（左）簽名。
E-mail：