自奧迪於年前推出RS4而大收旺場後，喺嚟緊嘅日內瓦車展上，將會展出全新RS6型號，除性能表現強勁外，賣相亦見突出㗎。
全新嘅RS6，其造型與先前嘅RS4一樣，仍帶有一分剛強味外，一套四輪18吋跑車胎軨組合，亦能令其高性能跑車形象更突出；同時，買家更可為RS6配用19吋胎軨，以增強車子嘅辛辣味及路面循迹性㖭。車廂布局方面，雖然廠方並未公布有關嘅資料，但相信將會以跑車化為主，並會以高級真皮鑲嵌，從而凸顯其尊貴個性。
然而，新車一台4.2公升V8biturbo偈，除馬力輸出達450匹外，配合一台5前速Tiptronic半自動波箱及Quattro恒式四驅系統，難怪新車0-100公里嘅加速度只需4.9秒咁快啦。而RS6嘅旅行車及房車型號將於今年夏季推出，未知香港代理會否將之引入呢？