臉頰生大瘡的羅兆輝昨日自言身在意大利，不停自吹自擂，其實他仍身處巴黎酒店。據知他根本沒有割過大瘡，只是大瘡爆了。
羅兆輝昨日主動致電本報記者，表示正乘坐火車前往意大利，更自稱其手提電話和護照都被同行的某周刊記者偷走。他說：「我都奈佢唔何，我已經打咗電話畀佢老細，呢個冚×鏟（記者）永不錄用，《大公報》同《成報》唔會請佢，方逸華都唔會請佢，我同方逸華好熟㗎！」
記者問羅兆輝生意談得如何時，他說：「人哋約我九點三，個記者（指某報記者）又講畀我聽兩點三，搞到我甩咗底，真係麻×煩。我去完意大利，會再去美國同日本傾生意，之後就會返香港。」
記者指他現時神憎鬼厭，但羅兆輝表示這些並不重要，因為有很多富豪關心他的大瘡，他說：「大哥Joe（劉鑾雄）都話要飛去倫敦探我，不過我唔畀佢過嚟，我喺意大利咁遠唔想佢咁辛苦，唔好意思嘅嘛！頭先李兆基嘅秘書都打過嚟畀我，佢代阿李生問候我粒瘡，不知幾關心我吖！我話畀你聽，我𠵱家傾緊嘅，係講緊幾十億港紙，人哋當我儍嘅唔緊要，我做到生意就得嘞！」
羅兆輝繼續口出狂言，他說：「我𠵱家唔知幾犀利吖，喺意大利出街，個個都認得我，街度有晒我做封面嘅書，連阿姐都認得我。」他一邊和記者講電話，一邊不停問途人自己靚唔靚仔，見香港人就講廣東話，見鬼佬就問「hand唔handsome」，見中國人又問自己「帥不帥」，然後又說：「我俾人偷晒嘢都唔怕，因為淨係我嘅肉體都值三百粒啦！」
對於袁詠儀指他白癡，羅兆輝說：「唔關我事，呢啲唔重要，佢係有打過電話畀我吖，重應承同我去遊街㖭！」
雖然羅兆輝自稱在意大利，但實情他仍然在法國巴黎，入住當地的三星酒店RochambeauHotel，雙人房房租一晚九百多港元。昨日記者在酒店找到他之後，他表示會於昨晚由巴黎飛返香港，他說：「係劉鑾雄叫我返香港嘅，佢會飛去英國，今晚嚟巴黎join埋我一齊返香港。」
但本報收到可靠消息，羅兆輝根本沒有割過大瘡，只是大瘡爆了，他自行用膠布治理。據本報特約記者現場所見，羅兆輝爆瘡後留下一個窿，更搽了紅藥水，相信任何一個醫生都不會這樣無手尾。至於劉鑾雄陪他回港，昨晚得一班機由巴黎回港，航機班次沒有劉鑾雄或類似的名字登記，而至截稿前，本報仍未和大劉取得聯絡。
採訪：甘比、朱芷瑩