前政務司司長陳方安生叔父方心讓醫生，噚日出席香港展能精英運動員基金開展儀式，佢雖然已經年近八十，要用枴杖慢步上台，但睇嚟都好精神、好健康。佢老人家重獲頒國際傷殘人士奧委會榮譽獎項，認真巴閉。
其實方教授熱心為傷殘人士服務五十年，攞呢個獎係實至名歸，但係佢聽到大會表揚佢嘅貢獻時，都忍唔住熱淚盈眶，神情激動。佢對在場嘉賓話：「我太太成日提我唔好咁感情用事，我今日都忍唔住……好多謝、好多謝各位。」在場人士都好感動，而在場嘅陳方安生就更加拍爛手掌。
﹙圖﹚方心讓醫生（右）昨獲頒國際傷殘人士奧委會榮譽獎項。
E-mail：