鄒世龍太太唐浩雯，昨日在港安醫院剖腹誕下女兒，重七磅十一安士，母女平安。
唐浩雯前晚在夫婿陪同下入院，翌日即誕下囡囡，夫婦已有一子，剛好湊成「好」字，鄒世龍昨日帶兒子到醫院探太太，他說：「我好開心，我冇陪太太入產房，因為怕第一個暈低嗰個係自己。囡囡屬馬，同肖虎嘅哥哥好配合。」
為囡囡改了甚麼名？鄒世龍說：「我同同事講笑叫蠱惑女『浩南』，但用邊個『南』字重未決定。」
問鄒世龍買了甚麼獎勵太太，他說：「我冇刻意買乜嘢畀佢，但一早計劃年底全家去環遊世界。」余安安昨日獨自到醫院探望好友唐浩雯，她說：「BB改咗英文名叫Steffie，佢個樣似足哥哥。」
採訪、攝影：盧雪琪、汪正文