早兩日講起功夫Ｌ喺月餅場慘況，立即收到佢報料：場內迴響甚大，一班老闆仔正密謀組成減租大聯盟，同業主爭取自身利益。功夫Ｌ希望唔好再次上演半年前銅鑼灣個商場大業主同租客糾紛事件，見晒報有損形象。
講開又講，功夫Ｌ又八幾單商場料畀大食Jack知，先講金聲戲院隔籬個鴻都商場，大業主終於收番成個場啲舖，聽聞打通埋隔籬總統餐廳，好似有大搞作，詳情要遲吓再八過。另一邊廂，兆萬又有幾個靚吉舖，大業主好識計數，唔會亂租畀陌生客，而以靚價租番畀場內租客，等佢哋可擴充之餘，繼續帶旺個場，等巿道轉好，商場身價自然升，大老闆確係大老闆，我哋點會諗到咁好橋。
主持人：大食Jack
八卦熱報：