謝霆鋒與林嘉欣昨日到商台為《戀愛行星》廣播劇錄音，霆鋒身穿西裝，戴着眼鏡，打扮極似哈利波特，他心情甚佳，更說：「新年快樂，情人節快樂，日日都咁開心。」原來霆鋒最近獲通知，成了二○○一至二○○二年度，中、港、台及馬來西亞地區中文唱片銷量最高的歌手，稍後他會到蒙地卡羅「世界音樂頒獎典禮」領獎。
霆鋒昨日說：「呢啲獎冇得傾番嚟，冇豬肉獎㗎，得獎嘅最低要求係唱片銷量超過一百萬張。」霆鋒對去年到日本參與Glay演唱會演出時，被批評彈結他技術差，他說：「我唔係結他手，係冇日本人咁好，但我當日冇落中國人面，如果真係太差，人哋都唔會請我去表演啦。」