「電器大王」信興集團主席蒙民偉與妻子楊雪姬嘅離婚案，要到七月先喺高院內庭聆訊，相信近期都可以唞唞。
蒙民偉好大手筆咁捐咗五百萬畀香港教育學院，噚日帶埋個仔蒙德揚主持「蒙民偉圖書館命名典禮」，呢類場合，少不免發表幾句偉論，本來蒙民偉跟稿照讀就冇事，點知，佢老人家又要講多兩句，最終將「香港教育學院」講成「香港科技學院（INSTITUTEOFTECHNOLOGY）」，真係啼笑皆非。
八方想問蒙民偉離婚案有冇新進展？但兩個鐘頭之內不停有人幫佢老人家擋駕，公關話蒙民偉唔會接受訪問。咁又係，咁尷尬。
（圖）蒙民偉噚日臨場爆肚，錯將「香港教育學院」講成「香港科技學院」。
E-mail：