早前疑因情變入院的Rosemary，前晚於灣仔舉行的「皮草之夜2002」，出任壓軸表演model。她大方承認精神抑鬱，現仍須服用抗抑鬱藥，雖然分量甚輕，但服後仍令她情緒高漲。
前晚一連五天的「2002香港國際毛皮時裝展覽會」在灣仔會展揭幕，並舉行「皮草之夜2002」開幕晚會。TerriHolladay、名模Rosemary及其母Julie、張天愛、KimRobinson和李桂蘭等均盛裝赴會。
Rosemary早前疑與男友Gordan情變，在人前痛哭，並需留醫。昨日Rosemary行天橋時腳上可見有瘀痕，她透露現時與Gordan仍然互相深愛，未有分開，但因工作及時間問題，暫時做朋友。
提到早前入院，Rosemary說：「當時係我忽然間崩潰，覺得工作、父母、男友各方面都有壓力，唔知點去處理，情緒好差。媽咪以為我精神錯亂，叫我入院檢查，醫生開咗啲抗抑鬱藥畀我。食完成個人好high，情緒高漲，好happy㗎！重要食多一個星期，不過梗係唔食最好啦！醫生叫我要relax，樣樣嘢一步步嚟，啲藥分量好輕，唔會有副作用喎。」
而Rosemary的母親Julie似乎對Gordan改觀，她說：「唔係男朋友令個女心散，個女都要負責任。我覺得Gordan唔算差，發生咁多事，佢冇亂講嘢，只係表示擔心。」
此外，早前有傳張天愛已與男友羅素結婚，張天愛說：「我哋以工作至上，大家有默契。結婚？結完就分啦，唔好結婚啦。」她又透露由男友設計、她負責生產的男裝系列，五月將於北京新開設的千呎新店有售。
採訪：DebbieLum、JessicaNgan
攝影：RickyChan、ChanChiLam