昨日講開房屋局副局長華賢仕減肥成功，今日又講吓佢嘅國籍。原因係自從「米老鼠」盧維思入咗中國籍，被人笑想博升D8後，個個鬼佬都被人問吓有冇咁嘅意圖。
點知華賢仕一臉不屑地向八方說：「我才不會入中國籍！」何解？佢話你估北大人點睇你？唔通話你愛國咩，當然唔係，分分鐘笑你無知。
況且老董搞咗個問責部長嘅新遊戲規則，將來D8就唔係主要官員，變成常務秘書長，國籍毋須再有限制，盧維思可能是多此一舉了。
當然，八方識盧維思咁耐，知佢愛中國愛得瘋狂；如果唔係，點會以港為家，還娶了一個中國女子為妻？
（圖）華賢仕：我先唔恨入！（設計對白）
E-mail：