羅兆輝失控大爆和圈中女星的性史後，任港秀並沒有被他的行徑嚇怕，仍然對他不離不棄，陪羅兆輝去英國傾生意和做手術割面瘡，羅兆輝前日亦向本報大方承認此事，但強調自己和任港秀是分房瞓，對方只是陪自己傾生意，並不是甚麼交易。
不過羅兆輝昨日接受本報長途電話訪問時表示任港秀已離開英國，記者問任港秀現時是否在他身邊，羅兆輝說：「任港秀？我唔知呀！佢已經走咗！我打開佢間房門，發現佢啲行李唔見晒，聽講佢已經返咗香港㖭！」
據知任港秀本周三（二十七日）凌晨離港當日，是和羅兆輝齊齊到機場checkin，兩人坐頭等機位，當時帶了幾個空篋去，大概是想大事購物，卻因行蹤曝光急急走人。
至於和女星的性史，羅兆輝強調說：「我可以講，任港秀住我隔籬房，我過都冇過去掂佢！可能我太charming（迷人）啦，啲女星同我有做過、冇做過都同人話做過，可能我冇搞過嗰啲唔抵得啦，所以係咪都話搞過。啱啱袁詠儀都有打電話畀我，都唔知佢講乜鬼。」
採訪：甘比