大姐張敏儀行將回港，但動向仍未清晰。早前有人傳六叔邵蛇想向她招手，重講到話虛主席之位以待，但八方心諗，咁方小姐點呢？所以照推算成數唔係咁高。
而最近又聽聞老董話要物色新聞統籌專員，呢個位大姐本來好合適，不過應該亦傾唔成。
其實，以大姐的才華，肯定有好多人賞識，問題係工要小心揀，尤其係去其他地方。
提起六叔，八方聞說無綫近日有人收到大信封，重唔止一個部門，但是否大規模裁員，到目前仍未能證實。
今時今日，老細大晒，裁員股價升，而且冇人鬧，唔郁手就笨，各位行家惟有自求多福。
（圖）以張敏儀的才華，肯定有好多人賞識，實唔憂搵唔到好工。
E-mail：