上月十八日姚樂碧被昔日同窗陳綺薇在報章刊登啟事，限令她在二十一天內清還近十二萬元。剛自倫敦返抵溫哥華的姚樂碧，決向外解釋欠款始末，更指陳綺薇手段狠毒。
社交名媛姚樂碧（Ruby）與昔日好友兼金英證券執行董事陳綺薇（Emily），由於年前Ruby與倪震交往期間，倪震寫給Ruby的情書突被公開，Ruby即暗示是Emily所為，自此二人關係決裂。上月十八日Emily於報章刊登啟事，限令Ruby須於二十一天內清還近十二萬元的款項，否則Ruby即將面臨被申請破產。
Ruby日前接受長途電話訪問時憤怒地說：「係媽咪打電話畀我講呢件事，我第一個感覺係激到天旋地轉，佢咁樣幫我『開年』，真係好絕、好過分。」問Ruby有否向Emily商借近十二萬元？她說：「冇！幾年前我搬去洛杉磯住時，叫佢幫我買中藥，大約一萬蚊左右，我根本冇欠佢錢。佢好聰明，因為我之前一直有透過佢做啲股票交易，啲錢會過來過去，佢就拎住張九九年嘅銀行入數紙，話我欠佢呢筆錢，呢個女人的確高招，兼且有晒部署。」
那麼Ruby會如何處理此事？她說：「我會settle呢筆數！我唔想為區區呢十幾萬俾人告破產。我透過律師畀番筆錢佢，佢竟然話筆數唔止咁少，唔肯收我張支票，要包括佢登嗰幾個廣告啟事同律師費，即係擺明想拖夠二十一日，要我破產。咁佢遲啲又登個全版彩色聲明喺報紙封面都得啦，佢咁玩法，即係自己搵的導演、劇本、演員，然後叫我埋位找數啦。」
有指Ruby於啟事刊登後沒即時回應，已被認定是逃避還款，她激動地說：「唉！我回應又俾人話高調，講嘢激動啲又俾人話黐線，唔回應又話我走佬。我今次出嚟回應，係想講清楚件事，講畀啲有分析能力嘅人聽嘅。我覺得今次屋企人受到最大傷害，我同佢（指Emily）識咗咁耐，佢都叫我爹哋媽咪做uncle、auntie咁耐啦！呢件事令我父母好唔開心。」本報曾聯絡Emily但截稿前未能聯絡。