記得初初接觸本地設計雜誌《IDN》是由美術部同事借閱。早期《IDN》不少篇幅是StepbyStep講解軟件用法，雖然印刷激靚，本地創作水準卻直逼日本，惟取向偏重技巧，顯然為設計人度身訂做，興致再濃睇得都唔太投入。近兩年《IDN》卻動作多多，先推出近似《Gasbook》的跨媒體大雜燴式雜誌《Flips》，水準可觀，雜誌亦日漸潮流化。實在是看穿了潮流界近年玩Fonts、玩插畫Figure、玩多媒體，早已與設計界接軌。
睇睇今期（38期）出場單位就知呢$68畀硬！主題是「因為藝術所以藝術」，內容包括奈良智美（封面人物）、WKInteract、Rostarr、替ChemicalBrother設計封面的KateGibbs等，重有本地薑有利志達、袁建滔（《麥兜電影》導演）。層面甚廣，新聞報道成日話香港人最優勝係有「國際視野」，大概就是咁解。
記者：何兆彬 攝影：黃子偉
PageOne(銅鑼灣時代廣場地庫)及各美術設計書店