恒指成分股惟獨中電控股（002）有得升，收31.40元，進帳40仙（1.3%）。
中電Call輪9171每10份兌1股，跟足嘅話應升4仙（17%），但收24.2仙只係升0.4仙（1.7%），升幅只係「1折」咁大把。
禮拜一中電派成績表後，9171溢價冇晒，連續負溢價0.2%、0.8%，到昨日負夠2%。
中電派大息（例息44仙，特息61仙），Call輪冇息收，行使價28.36元亦唔會調低。正股下月中除淨，理論價30.35元。計9171溢價，應該用正股理論價，即實際溢價1.4%，槓桿率12.5倍。
9171實際溢價咁低，槓桿率咁高，條件好靚。基金為收息買正股，唔會咁快放手，正股有得去，隻輪有睇頭，昨日落後正股太多，吼得過。
華創（291）企定喺7.25元，冇跌。華創Call輪9059收1.26元，則跌7仙。隻輪7月到期，溢價3.6%，槓桿率5.8倍，出爐以來未試過咁靚，諗啲揸吓。