每逢假期周末，好多朋友都喜歡北上，搞到早前啲大陸儲值及增值卡貴晒。雖然大陸卡平，但往往要「提醒」朋友自己身在何處，都唔係幾方便。對於一啲唔係咁識飛線嘅用家，教佢用啲「乜線通」飛來飛去，教到佢識玩睇怕個客都已經返咗落嚟囉。
最近「Mark哥台」又有新嘢，就係各用戶只要有中國及國際漫遊服務，配合來電顯示，就可以申請「無蹤迹」漫遊服務，除咗可以響熱門地方如大陸及澳門外，台灣、新加坡、英國等地都可以睇到香港嘅來電顯示，打畀你嘅人就聽到本港鈴聲，對某類人士確係帶嚟方便。收費分兩種：日費$5，離港前輸入簡易代號即可；第二種適合長期公幹人士，月費$38無限次使用，同普通增值服務收費相若，唔係好貴啫。