雖然顧修全博士對九龍神丹推崇備至，但香港中國醫學研究所所長李甯漢醫師卻有另一番見解。他表示：「正常男性興奮時候，血液會通向陰莖而勃起，但係有陽痿男性，血液輸送唔到，所以陰莖就勃唔起，造成陽痿。我睇呢隻丹藥成分都應該幾有效，不過其中有幾種成分，好似枸杞子、鹿茸、胡桃，都有補氣血，興奮性神經功用，中醫書有講：離家千里，莫食蘿藦枸杞。因為呢兩種藥都有催情成分，食咗老婆唔喺身邊就麻煩。」
「另一方面長期服用呢種藥，可能會令性神經長期處於興奮狀態，在中醫角度嚟講，陽痿其中一個成因，就係縱慾過度或自慰頻繁（每日一次以上），如果係呢種病症，服食咗呢隻藥，咪雪上加霜？」
「至於話，食咗呢種壯陽藥可以即時勃起，我會有少少疑問，我舉個例，西方壯陽藥，對於陽痿病人，就好似你冇錢，我即刻畀錢你；中醫就會叫你去搵工賺錢，然後就有錢使，過程慢但係實際，因為調理身體唔係一朝一夕嘅事。」
「呢條方就表面睇，對有陽痿問題嘅病人，應有一定效用，但如果你機能正常嘅話，我就會勸你唔好食，至於講到宗教力量，唔屬於中醫範疇，我就唔敢講，不過因為道教所講嘅五行相剋，同中醫所講嘅五行相剋有幾大分別，我個人認為有時會將件事複雜化。」