雖然老董當選一早已定大局，但佢個助選團名單就等到過晒氣先公布。競選辦話，助選團原定準備喺提名期結束後進行助選，但𠵱家董生已自動當選，所以佢哋變咗冇嘢做。
名單有乜勁人？有商界巨頭李嘉誠三父子、何鴻燊、郭炳湘、董建成、廿幾個立法會議員、人大、政協、行會多個成員；重有大學校長李國章、張信剛；明星周潤發、成龍；蘭桂坊之父AllanZeman盛智文等等，真係星光熠熠。就連陳方安生細佬方津生、叔父方心讓，都係名單中人。
雖然唔使做，但相信呢張269名單，包括169個選委同100名其他人士，八方打賭，董生日後定必有賞。
另外，負責「睇場」嘅胡國興話，今次選舉共花咗三百四十二萬，比原定嘅七百萬，慳咗三百五十萬。
E-mail：