三十七歲的單親婦人阿萍，日前遇上嚴重交通意外，雖然僥倖逃過鬼門關，但卻身受重傷，現需經常覆診及接受物理治療，導致車費開支大增，阿萍與兩名稚子只靠綜援金維生，難以負擔此筆突如其來的復康費用。
「我當時出去辦年貨，點知等緊過馬路時突然有架車撞埋嚟，醒番時已經喺醫院，對於成個過程都唔係記得好清楚。我只係好嬲嗰個司機，點解佢要咁樣揸車。」阿萍坐在牀邊說。
意外發生於上月十日（年廿九）中午，當時阿萍行經大埔太和路附近一組交通燈位，在等候橫過馬路時，突遭一輛失控的客貨車撞倒，重傷昏迷，同行一名四歲男童更不幸被撞斃。經醫生檢驗後，證實阿萍其中一條胸骨折斷以及右腿韌帶撕裂，留院一個星期後返家休養。
「我右邊顴骨亦都撞瘀咗，同埋右眼微絲血管爆裂，影響咗視力，呢幾日睇嘢先清楚番少少。」阿萍說話時不慎觸動胸口的傷處，臉露痛楚神色。「𠵱家一日要食五次止痛藥，食到個人暈陀陀，唔食又痛到瞓唔着。」阿萍的幼子小虎在旁乖巧地說：「有時我見媽咪辛苦，我都會斟杯水畀佢飲同埋餵佢食飯。」
阿萍十多年前結婚，婚後育有兩名兒子，現年十一歲及十三歲，豈料夫婦及後感情生變，並已協議離婚，一對兒子隨她生活，三口依靠綜援金維生。
阿萍現需定期覆診以及每個星期前往醫院接受兩次物理治療，惟她行動不便，居所與醫院相距甚遠，故需迫不得已乘坐的士來回，造成極之沉重的經濟負擔。
「我𠵱家要分別去兩間醫院覆診同做物理治療，遠啲嗰間醫院來回一次車費要百幾蚊，你叫我邊有能力負擔，每個月綜援金一半已經用咗嚟交租，兩個仔每月學校雜費都唔少，未出事前經濟都好緊絀，何況𠵱家呢？」
阿萍已向社會福利署「交通意外傷亡援助計劃」申領援助金，惟審核需時，未能解其燃眉之急。蘋果日報慈善基金了解阿萍的情況後，即時撥款五千元，助其繳付復康期間的額外開支。
捐款編號：C0475
暖流熱線
電話：29908688
傳真：23702192
電郵：
網址：