傳媒廣泛報道北角邨即將清拆，勾起好多人嘅童年回憶，八方噚日見到恒隆集團董事長陳啟宗，佢話細個時喺北角邨學踩單車，由佢姑姐帶佢去學。對有消息指港府想將北角邨地皮作混合發展的模式就大力反對，話不符經濟原則，對社會影響好大。佢話明自己唔係階級主義，但認為倡議呢個政策嘅人要對人性有基本了解。佢打個比喻：「試諗吓，我一日工作17小時，辛辛苦苦儲錢，先可以用3000蚊呎買A單位，但你有政府資助，用2000蚊呎就買到B單位。你叫我點教仔，我點可以叫佢畀心機讀書，努力上進？佢會話隔籬唔使咁辛苦都住到一樣嘅樓。」
E-mail：