房屋局局長黃星華四月就六十歲，佢噚日同八方以及眾行家春茗時講，一定會按時退休，因為做咗四十年公僕重唔夠咩。咁阿董搵佢又點計？佢話一切言之尚早，要等噚日下午有賽果才算。
咁好明係耍八方啫。所以話題一轉，講到局長最有心得嘅紅酒。星爺真係專家，原來佢七○年代派駐瑞士，跟鬼佬學會飲紅、白酒，後來返香港，起初都唔流行，至八○年代先至人人手持紅酒杯。
星爺噚日在中環紫玉蘭請眾行家飲的法國紅酒，又真係唔錯。星爺話，飲咗紅酒膽固醇降至四點五度，比正常嘅低，或許拜紅酒所賜。
呢輪高官流行瘦身，星爺助手老外華賢仕十二個月減咗三十磅，由二百二十幾減至百幾，肚腩細晒，竅門同葉劉一樣──減甜少吃，運動原來真係對減肥冇大用。
E-mail：