黃宇詩係霑叔(黃霑)個女，睇唔出原來佢係一個好鍾意食嘢嘅人，中、西、日菜樣樣啱，不過最鍾意重係北京菜。因媽媽係北方人，所以她自小已愛上食北京菜，鍾意其濃郁嘅味道。而最愛就係港式口味嘅北京菜，因為選擇夠多，無咁肥膩。就等黃宇詩為大家示範佢其中兩款至愛，宮保炒雞丁及乾燒雙素，濃淡味道都有，有興趣可以跟住做。
記者：陳冰麗 攝影：周旭文
入行：一年
曾參與過：大搜查、ikiiki東瀛遊、再生緣（古裝電視劇未播）
嗜好：行街、食嘢、做gym等
宮保炒雞丁係一個地道而又家常嘅北京餸菜，以惹味為主。雞肉因為用咗花椒油炒，再配以適量豆瓣醬煮，食落微微帶辣，頗為醒胃，用作送酒一流。
雞腿肉5両 青椒1個
大葱少許 花生適量
花椒、豆瓣醬各少許
鹽1/2茶匙 糖1/4茶匙
鎮江醋、醬油老抽、紹酒各少許
上湯1-2湯匙 生粉1茶匙
1.雞腿肉切丁，加少許鹽、紹酒、蛋白一隻拌勻醃一陣，再加鷹粟粉拌勻。青椒、大葱亦分別切丁；花生炸至脆身備用。
2.燒熱油，放入雞腿肉走油，取出雞腿肉備用；將所有醬汁料拌勻，備用。
3.燒熱雞腿肉走油用嘅油分，放入花椒爆香，棄花椒，將雞腿肉回鑊再略炒，加入大葱、豆瓣醬及醬汁兜炒，加入花生撈勻即完成。
1.雞腿肉加紹酒醃增加香味，加蛋白則增加軟滑感。
2.雞腿肉先走油再煮，令其更滑身及保存肉汁鮮味。
3.花椒只要味，爆香後渣唔要，但如果怕辣，索性可以唔加花椒。
呢味餸則會比較清爽，以前屬於宮廷餸，被視為上等菜之一，不過因為餸菜並唔係一啲矜貴材料，加上做法又唔太難，一般家庭都可以做到，後嚟漸普及化。雙素指冬笋及燈籠椒，以上湯煨過後再走油，最後略炒，整個過程好簡單，但亦最能食到菜蔬嘅原味。
冬笋2-3件
燈籠椒1-2個
鳴謝：香港全聚德烤鴨店
地址：灣仔港灣道26號華潤大廈（高座）四樓
電話：28849008