今日共有3隻新股上市，有兩間係投資公司，同埋一隻創業板新股東北虎（8179），東北虎係以全配售方式發售新股，有得炒並唔出奇，所以小初唔多講。
至於兩隻投資股，雖然華寶（大中華）（810）來頭較勁，較萊福資本投資（901）受人注意，但小初就覺得後者因為較冷門及貨源歸邊，更有留意價值，但兩股都只宜短線，不宜長揸。
華寶今次發行1億股新股，每股作價1元，集資1億元。至於萊福資本投資，就發行7.02億股新股，每股作價18仙，集資額大過華寶，有成1.2636億元。
華寶有希慎（014）前投資要員助陣，可能會多一批人捧場，但聽聞要喺市場上勁sell，先至圍齊飛，反而萊福幕後傳係互聯控股（273）一系，佢哋係咩來頭，相信都唔使多提，而且公眾對呢間投資公司唔係好認識，斷估只有老友先至肯捧場，所以有機短炒。