已為人母的甄楚倩，前晚在三名男友相伴下，相約張智霖、袁詠儀、上山詩鈉及其緋聞男友，同往跑馬地的「頂好粥麵世家」，食經濟粥麵賀元宵佳節，但甄楚倩一見記者竟嚇得拔足狂奔，搞到要黐埋牆唞大氣。
甄楚倩自去年誕子後，仍非常活躍，不時蒲夜店及raveparty。前晚她趁着元宵佳節，以一拖三姿態，約袁詠儀（靚靚）、張智霖（Chilam）、上山詩鈉和其緋聞男友以及蘇絲黃等共十名好友，齊往張堅庭開設、位於跑馬地的「頂好粥麵世家」，以一頓經濟粥麵共賀元宵。
前晚接近十二時左右，Chilam駕着其四驅車，接載靚靚先抵跑馬地，靚靚乍見記者即頗為𤷪𤺧地說：「點解你哋成日喺度㗎？」接着她又說：「都話跑馬地多記者㗎啦！」
而甄楚倩與三男伴、上山詩鈉及緋聞男友亦各自在「頂好」滙合，大夥兒逗留了一句鐘後才作鳥獸散。但不施脂粉兼穿上斗零踭高跟鞋的甄楚倩，甫遇記者便與男伴狂奔一條街，當她跑到「蓮園粥麵小廚」門外時，竟突然黐埋牆喘氣，記者問她為何黐埋牆，她聞言亦忍不住笑。
問甄楚倩是否約了靚靚及Chilam打牌，她說：「唔係。」與她同行的三名男子，這時均登上甄楚倩的平治座駕，甄楚倩便隨即開車離去。
而Chilam在開車離去前亦對記者笑說：「你哋都幾有禮貌。」
採訪：馮美茵
攝影：何國豪