【本報訊】行政長官董建華將於今日下午五時後，正式當選第二屆行政長官，但隨之而來就要面對未來五年的新挑戰。本身是前行政立法兩局議員、全國人大港區代表的李鵬飛認為，董建華第二屆任期之中將要面對兩大難題，包括如何重整香港經濟，解決失業問題；以及高官問責制是否有效。 記者：陳慧兒、莫劍弦
李鵬飛接受本報訪問時指出，特首面對經濟及財政問題，只能依賴「食老本」：「佢真係唔係咁易喺五年內解決財赤！」他又指特首過分着重政治考慮，不敢加稅：「佢了解政治形勢，但唔了解財政形勢！」李鵬飛認為，董建華在第二屆任期內，一定要減公務員開支：「唔能夠再細細微微咁減，係要大刀闊斧咁斬落去！」
李鵬飛認為，董建華不應該輕易作出任何財政上的公開承諾，例如幫助弱勢社群：「你唔可以口輕輕講咗，人哋會叫你去做，唔好再得個講字，只係出口術！」所以董建華一定要像前財政司夏鼎基一樣，嚴格控制政府開支：「佢有啲規例係守得好緊，好似政府公共開支唔可以超過本地生產總值百分之二十！」
除了經濟問題外，特首另一個要解決的難題，就是特區政府管治威信，這又取決於部長制能否有效落實。李鵬飛認為，董建華一定要徹底放權給問責局長，並且容許問責局長自組班底：「好似你搵人做房屋局局長，就要搵自己班底，你（特首）分政治餅仔，委任他人做房委會咁樣，對佢有乜幫助？所以以前諮詢架構組織，要全部鏟晒再諗過！唔係邊個肯做！」
另外，特首又需要將立法會內支持他施政的政黨委任入行政會議，協助他施政，以及為他在立法會內拉票，這樣才可以真正建立強勢領導：「你可以搵田北俊、曾鈺成入行政會議，佢哋乜都唔使做，只係負責政治活動，幫手喺立法會支持政府！」只有這樣才可保證法例可以在立法會順利通過，建立一個強勢政府。