噚日永泰搞嘅記者會，推銷漣山的奇妙旅程計劃，買家可免費出外遊埠，首站為世界七大奇觀之一的印度泰姬陵。配合番佢哋要介紹的內容及這個具濃厚文化色彩地方，發展商就喺記者會上特地安排傳統的印度舞及音樂敲擊表演，歷時差唔多成半個鐘頭。
中原地產施老闆近日異常忙碌，噚日繼出席嘉里建設（683）頒發北角「縉景臺最佳銷售代理」大獎之後，匆匆趕去公司主辦嘅「未來香港房屋及地產市道」研討會，做主講嘉賓。今日佢又要為旗下海怡半島同銅鑼灣兩間分行主持開幕儀式。
美聯物業早前辦嘅對聯比賽，今日截止，聽講至噚日為止共收到300份參賽作品，反應都幾熱烈。有關作品會由有才子之稱嘅陶傑做評判，選出其中33個得獎作品。蘭西聽聞參賽者中重有大發展商以公司名義參賽，而原來只有委託美聯放售或放租單位的發展商才有資格參賽，有邊幾間唔使講都知啦。
蘭西