「阿牛」曾健成在抗議老董連任的絕食活動中又走在前頭，八方日前專程去天星碼頭睇吓佢，經過咗四日，阿牛表面上全冇清減迹象。佢承認，每日在佢身邊走過的足迹上千，但係駐足簽名或取單張只有一、兩個。
經常上街，久唔久又絕食，究竟有冇作用呢？當然答案係無法改變事實，但係阿牛話咁可令社會有不同聲音，如果有五百人、五千人絕食，五萬人上街，咁睇董建華唔可以唔理。
其實阿牛上街都因為八九年的民運，佢當日正和友人竹戰，忽然有感跑去新華社門外示威，重竟然碰到愛妻也在示威行列。
阿牛話畀八方知，打從嗰日起，佢同示威遊行結上不解之緣，沒料到他「想放棄工作幹另些事情」的理想得到太太全力支持。老婆重執教鞭做幼稚園校長，負責養起頭家，阿牛就「食軟飯」到今日，兩個仔都大晒留學美國，阿牛要感謝嘅，當然係老婆大人咁偉大，搞政治總有人要犧牲，無辦法。
E-mail：