一個失業家庭，一對小姊弟的悲哀故事。十七歲姊姊阿玲，品學兼優，但因家貧，正面臨輟學厄運；十六歲弟弟阿偉，患有嚴重哮喘病，因無力延醫，卧病不起。蘋果日報慈善基金了解他們的困境後，即時撥款濟急。
「呢幾日天氣轉變，細佬哮喘病發，佢已經病咗幾日，不過我哋連帶佢去睇醫生嘅錢都冇，我真係好擔心佢。」阿玲一臉憂心地對記者說。
倦極的阿偉一直躺在牀上，動也不動，記者曾嘗試了解他的情況，惟虛弱的他只能吐出一句「好唔舒服」，說罷又再次瞌上眼睛。
阿玲和阿偉兩姊弟，生長於貧困家庭，父親為跟車工人，母親為兼職文員，雙親合共收入僅得九千餘元，扣除了一千四百元的租金及近二千元的水電煤雜費後，剩餘的委實不多，平日一家四口也要盡量節儉。無奈兩個多月前，父母相繼失業，令困苦的生活雪上加霜。
就讀中三的阿玲表示︰「爸爸、媽媽冇嘢做之後，都畀唔到零用錢我同細佬返學，我哋連車錢、飯錢都冇，早排我同細佬連八達通卡都賣埋，攞番五十蚊按金先捱咗一個禮拜，𠵱家又用晒，都唔知點算。」
阿玲一家早前迫不得已，已向社會福利署申領綜援金，惟有關申請仍在審核當中，未能解他們燃眉之急。
向來品學兼優、就讀於精英班的阿玲，更作了一個最壞的打算。「下學期嘅書簿費、冷氣費三百幾蚊𠵱家都未交，我日日呃老師話唔記得帶，如果再係咁，我寧願唔讀書，唔使咁麻煩。」
坐在一旁、早已兩眼通紅的玲父慨歎︰「我梗係唔想兩個細路冇書讀啦，但我同老婆行到腳跛都搵唔到份工，𠵱家屋企剩低十元都冇，兩個月都冇交租，隨時要瞓街，我哋重可以點呀?」
蘋果日報慈善基金有見阿玲一家的苦況，即時發放一萬元緊急援助金，紓緩他們的經濟壓力。
捐款編號︰C0476
暖流熱線
電話：29908688
傳真：23702192
電郵：
網址：