羅兆輝近日頻頻接受傳媒訪問，且不斷爆出驚人言論，日前他接受周刊訪問時，更大爆與圈中女星情史。身在英國的羅兆輝，昨日澄清只跟孫佳君曾有親密關係，而目前則情迷郭羨妮。
羅兆輝在前年燒炭自殺後，沉寂了一段時間，最近他又高調地不斷接受傳媒訪問。日前他接受周刊訪問時，大爆與多位女星的情史，當中提到他與L女星及Y港姐曾有親密關係，又直認孫佳君一度是他的親密女友。
身在英國的羅兆輝昨日接受本報記者長途電話訪問時，他無奈地說：「其實我都唔係正式同人做訪問，只係同啲記者傾吓！咁多圈中女星之中，其實我同劉嘉玲、袁詠儀只係朋友關係，任港秀就同我食過一次飯，真係做過我女友嘅，只有孫佳君一個，不過我都已經好耐冇同佢聯絡。記得發生燒炭意外時，孫佳君嚟醫院探我，當時佢對我講，呢生中最愛嘅男人就係我，雖然我唔知佢講真定講假，但我就信佢。」
羅兆輝再三強調自己不是癲人，他說：「呢輪我覺得疲倦，好想結婚重新組織一個家庭。近來我對郭羨妮好欣賞，好想搵佢拍廣告，但唔知佢肯唔肯。𠵱家我都冇拍拖，我同台灣女友已經分咗手，不過偶然都會聯絡。」
對於近日他發表言論時不斷跟城中富豪扯上關係，記者問他會否擔心引起這些富豪朋友不滿時，羅兆輝感歎地說：「如果我啲富豪朋友要誤會我，咁我都冇辦法，𠵱家我喺英國都係為咗開會，搞緊正經事，𠵱家我真係好認真去搞慳電機公司嘅生意，大家唔好以為我神經失常啦！呢排我媽咪睇到啲咁負面報道，佢都唔係咁開心，我好錫媽咪，真係唔想媽咪擔心我。」
郭羨妮昨日返無綫電視城拍攝劇集《絕世好爸》時，對羅兆輝情迷自己大表意外，她說：「我唔識佢喎！不過對於羅生咁欣賞我，想搵我拍廣告，我都好多謝佢，不過如果佢真係想搵我拍廣告，最好直接搵番TVB比較好。」
此外，陳昭昭昨晚在尖沙嘴香港太空館出席電影《迷離警界之蘭鬼坊》首映時，被記者追問與羅兆輝的關係。陳昭昭說：「我同羅兆輝都唔熟，只係見過一次面，嗰次重係公開場合，我真係唔知點解佢要咁講。」
港姐冠軍Y小姐 --羅兆輝表示曾與她「搞過」，不過卻指她的小腿太粗，又沒有胸。
影星L小姐 --羅兆輝指她的胸是「八字波」，還以三百萬元買了一間梅道豪宅給她，更四度和她同牀，不過四次羅兆輝都不在「狀態」。
孫佳君 --羅兆輝讚她身材最好，但卻斥她輸了二千萬元股票。
M女星 --羅兆輝表示送了一架寶馬三系給她。
C小姐（成人節目女星） --羅兆輝指她有一天曾到他家，穿着浴袍睡在他牀上。
港姐F小姐 --羅兆輝謂不是給了太多錢她，但感激她當自己燒炭入院時，為自己哭過。
豔星煉煉 --羅兆輝表示只是有朋友帶她上自己屋企。
模特兒Q小姐 --羅兆輝自言沒有「搞過」她，只是姓蔡的朋友想追她。
電視女藝員 --羅兆輝謂她的腳很靚，腳趾亦靚，但要四萬元一次。
採訪：甘比