早排，亞Mark曾經同大家透露過，話原任萬事得嘅LeonardCheng，自從加盟夏巴之後，正積極部署緊大計；而最近又收到消息，話佢哋會響香港區重新開設陳列室。早前，亞Mark重響灣仔汽車一條街嘅告士打道，碰到佢哋嘅福特市場部大員JessicaChe，佢向來活動於尖沙嘴區，但嗰日竟然響灣仔區出現，亞Mark都覺得有啲奇怪。然而，究竟開設新Showroom，會係開展勞斯萊斯新代理嘅業務？定還是係福特現有嘅九龍Showroom唔夠用呢？暫時就不得而知喇！不過，今年福特將會有幾款新車抵埗，當中部用上一台2000cc新偈嘅Focus跑版經已秘密抵港，遲吓喺年中重會引入埋Fiesta㖭；睇嚟一個陳列室，又好似真係唔多夠用咁噃！