中電控股噚日喺港麗酒店擺春茗，八方又係座上客，真係想唔發福都唔得。個春茗重起咗個好特別嘅名，叫做「馬到功成中電集團傳媒新春午宴」。
中電去年生意唔錯，集團常務董事包立賢十分高興，除此之外，中電重攞咗多個大獎，包括最佳年報、最佳公司等，八方同快將退休的中電常務董事白禮善及接班人阮蘇少媚同枱用膳，當然少不了讚吓佢哋現金回贈用家的高招。
白禮善好坦白咁話，佢哋有諗過減電費，但係由於唔知今年夏天熱唔熱，啲人會唔會用冷氣少咗，所以唔敢冒險，寧願一次過回贈，好過減完再申請加價，就好困難。
咁八方問佢下年會回贈幾多？白董事笑話當然希望用戶一年多過一年，明年如果回贈二百四十元，就好唔錯了，阮太當然聽到，今年要努力加油啦。
（圖）於周一舉行的中電業績發布會上，中電特別預備了數隻熊啤啤送給預測中電全年純利誤差最少的數位分析員。中電話當分析員接到熊啤啤時亦有驚喜，因為以往中電只是送呔及絲巾，估唔到中電呢間百年老店咁有新意。
E-mail：