香港近年喺國際體壇成績唔錯，政府對體育運動都重視咗，最近，有份推動體育運動嘅康文署，都搵咗個前「體育王子」嚟做副署長，係邊個？咪就係七十年代時攞過全港大專界一千五百米冠軍嘅何永謙。
八方噚日遇到佢，見佢身材依然好fit，問起先知佢原來攞完金牌至今，重依然keep住每朝做運動，好似游水、跑步咁，佢重話跑步係十公里長跑，唔係幾個圈嗰種。
不過，上星期嘅香港馬拉松，佢報咗名但最後無得跑，因為扭親腳，結果只能夠陪特首董建華主禮。佢話成日諗點樣鼓勵香港人做多啲運動，但香港人工作時間長，的確難。
何永謙說雖然本港足球運動近年成績下降，但市民參與興趣依然濃厚，所以佢哋正與足球名教練郭家明和足總商討，在學界大力推動足球訓練和活動，詳情遲啲會有公布。
（圖）何永謙在七十年代曾攞全港大專界一千五百米冠軍。
E-mail：