先旨聲明，手機睇片(VideoonDemand)喺日本成街都係。但喺全球最多人使用的GSM網絡中，韓國三星就先拔頭籌，將VOD功能首置入GSM手機V100。V100個Look同昔日三星出品無乜兩樣，唔搞單臂回環唔玩推蕉花臣，執迷不悔續推大家開始嫌悶的雙芒設計。不過打開個蓋，功能就多到嚇親人：首先V100係GSM手機中率先推出16Bit（65,000色）彩芒屏幕，雖然在176×220pixel的TFTLCD中放片略嫌大材小用，不過總好過無。V100具備三頻兼GPRS，只需㩒一個掣，就可以下載諸如音樂影帶等彩色影像，全因手機內置咗建基於GPRS上的MPEG-4解碼器，並能同時提供16和弦立體聲效。盡管功能巴閉，不過V100僅重97克，隨機老馮附送基本料如WAP1.2.1瀏覽器、EMS、紅外線埠等。
記者：余敏