日本四面環海，海產豐富就係人都知，不過食來食去都係一般的魚生壽司，實在有欠新意。因此不少日式餐廳都以日本海產加以烹調，或以日式的製法去炮製本地海鮮，來個中日鮮味交流，讓你口味更多元化。
記者：莫麗嫦 攝影：陳穎
日本冬季特別多海產供應，其中石桓貝是較少香港人認識的海產食品。石桓貝有一隻雞蛋般大，外形似象拔蚌，鮮甜而爽口，用牛油炒後香味濃郁，令人食指大動。
港式壽司只係一味要大件，忽略了其口感的重要。店主有見及此便推出小巧的壽司，砌成拇指狀，可以一口一件，更將原來的兩件一客改為四件，顧客不會因壽司體積縮小而有所損失。
一隻隻大蜆鮮甜美味，已能令你回味無窮，就咁已經滿足？其實精華盡在湯中。用煮蜆後的汁水放湯，加入香芹調味，鮮味絕不比一般海鮮湯遜色。
電話：27221881
地址：尖沙嘴赫德道11C地下