新年期間𢭃到不少利是，你有否想過買份禮物送給另一半或者屋企人呢？新年送禮自然要重手啲，今期介紹畀大家非一般手機繩，全部由白金或銀製成，更有部分手機繩鑲上鑽石，成條掛上手機就肯定最閃最搶！
記者：宋國榮 攝影：陳穎
純金手機繩可能有人話俗，但用上鑽石就顯得較高貴。這批手機繩每條都有約幾份的鑽石，份數不多，所以配上銀色鏈掛上手機亦唔會太誇張。這些鑽石手機繩通常附有一個圖案吊墜，有心形有十字形，起碼唔會搶了鑽石的風頭。
1 750白K金鑽石手機鏈，心形吊墜後面有五個圓圈，其中三個鑲有鑽石。約$1,200(a)
2 750白K金鑽石手機鏈附有十字吊墜，鏈上鑲有鑽石。約$2,200(a)
3 手機鏈同樣用上白K金製成，吊墜就用上類似兔仔的造型。約$1,600(a)
假如大家驚用鑽石手機鏈過分招搖，或者一旦跌咗損失較大，那麼幾款設計較簡單的白金手機鏈就最啱。白金鏈用不同顏色的手機繩穿上，而且款式比較Young，送畀女朋友用都唔會話你Out！
4 750白K金手機鏈共有十粒珠形吊墜，可以上下滑動。約$250(a)
5 可向四周散開的手機鏈，掛上手機好似仙女散花，想其他人注意你多啲必用。約$250(a)
6 愈簡單的設計就愈多人鍾意，這款心形吊墜手機鏈設計好簡單，但望落去感覺好舒服，唔會搶埋手機風頭。約$300(c)
7 另一款手機鏈只得幾粒波波裝飾，鍾意簡約款式的朋友就最適合。約$386(c)
8 這條手機鏈用750黃白K金製成，白黃相間，視覺上更搶眼。約$300(a)
還有一類金鑽手機鏈，各位自問童心未泯的朋友必睇。其中一款鹹蛋超人18K白金鑽石手機鏈就最抵死，加上坊間用卡通人物為主題的鑽石手機繩不多，鹹蛋迷新年必買。
另一條就用上特別的「ICE」字形為設計，上面同樣鑲有鑽石，設計都幾搶眼。
9 鹹蛋超人18K白金鑽石手機繩比較大條，最好用較大部的手機襯番。約$1,000(b)
10 「ICE」系列的鑽石手機繩刻有「ICE」字樣，兼鑲有鑽石，設計比其他手機鏈複雜。約$530(c)
查詢電話：25268649
查詢電話：21923123
查詢電話：27109368