潮流浪起浪跌，就以網上購物為例，曾經熱烘烘一陣子，之後便靜下來。但靜，並不等於消失，好些潮流網站，甚至一直貨如輪轉，從未遇過低潮。香港不少潮流人愛網上購物，原因是既可買到香港沒有的貨，唔怕同人撞衫撞鞋，又可以快人一步，其實，網上購物靜靜地復活了！
記者：馮彥彰
一對着10年、20年仍然型到震的戶外Boots，並非法國、意國大品牌，反而是OldSchool味十足的美國品牌L.L.Bean。BeanBoots自1912年面世，便成為美國人心目中的戶外必着。以往L.L.Bean港人要買貨便得靠利時水貨舖，但今天要買BeanGoods，只需動動手指，因為佢哋已經實行全球網上購物！
收貨時間：運費按購物總額來計算，運送時間約8天至14天。
網址：
美國品牌Abercrombie&Fitch的紅，非關香港明星曾以它為情侶裝，而是日本型人一直支持，港人哈日，自然死跟，他們愛A&F，港人自然愛A&F。不過香港沒有行貨，而加連老威的老翻A&F又過分囂張，不到網上買不成。以前上網係唔可以接受香港訂戶，呢幾個月開始終於有喇！現正做特價中，轉季入貨係好時候。
收貨時間：運費按購物總額來計算，運送時間約8天至14天。
網址：
A.P.C.離港三年，得i.t相助會於3月重臨香江。雖然打正旗號回歸，但港人心態，相信買時唔想聽到話冇碼、未返，惟有上網買，正如很多深愛A.P.C.的型人，一早便到網上掃貨。必入Item：A.P.C.xConverseSneakers，就要快快上網。約$400
收貨時間：購買總額在300歐元（約$1,980）下收55歐元（約$363）運費，運送時間約8天至14天。
網址：
過埋正月就唔怕鞋鞋聲可以買鞋，唔使排隊買到最新版Jordan，唔使訂入到戶外鞋SteveMadden、Hip-hop鞋Ecko等。喺呢個網站有大量鞋都係香港未有人入未有人賣，包冇撞衫咁瘀。相信係冇咗BOO.COM之後唯一值得入貨的網站！
收貨時間：運費按購物總額來計算，運送時間約9天至20天。
網址：
這個專賣美國街頭/板仔服飾的網站YellowRatBastard，售賣的品牌多不勝數，雖然貨品不多，但勝在很多香港沒有入的正貨，同樣走板仔服路線，乜鬼X-LARGE，OBEYGIANT等都會在此有得賣，而且平到笑！
收貨時間：運費按購物總額來計算，運送時間約3天至14天。可選擇郵寄方法。
網址：
睇電視夜晚有個老套廣告：「又買咗座山返嚟，快啲Call米X站啦！」，其實網上都係一樣可以放貨。