應采兒昨日任特殊兒童裝飾蛋糕比賽的評判，她表示自己以往在美國讀書時，亦曾和特殊兒童相處，且非常開心，並指他們好叻。
應采兒昨日聯同約三十位全港各大酒店名廚及十二位特殊兒童，出席在灣仔君悅酒店的「協康會第十一屆全港名廚精英大滙演」宣傳活動。
各大名廚聯同十二位小朋友分別組隊，為蛋糕加上鮮果、朱古力等做裝飾競賽，而應采兒則擔任評判，只見身穿紅色雞翼袖T恤的應采兒在各小朋友進行比賽時，不時左穿右插，還偷偷放朱古力入口，十分鬼馬。
應采兒與一班小朋友玩得十分投入，其後她自己亦嘗試裝飾蛋糕，不過穿雞翼袖T恤的她卻不慎春光乍洩。
問應采兒知否是次參與活動的部分小朋友身體有殘疾，她連忙說：「玩嗰時唔知，後尾就知。我唔會抗拒佢哋，佢哋咁得意，加上佢哋個樣都唔似。」
應采兒續說：「以前喺美國讀書時，校方會特別安排每班有一、兩個特殊兒童，佢哋重好叻，每朝早餐食嘅餅都係佢哋整，等佢哋有一技之長，而同佢哋相處都好開心，成日玩埋一齊，佢哋重會叫得出我哋啲名。」
另外，最近忙於為電影《鬼魅人間》趕戲的應采兒，表示此戲將於日內煞科，稍後她會返回美國休息兼順道考車牌，她笑說：「喺美國啲路較熟，初頭嚟香港過馬路時，連左右都搞唔清。」
採訪：馮美茵
攝影：何國豪