推出經已有一段時間嘅豐田Echo，喺經歷咗一段風光日子後，近期銷量有所下跌，並給本田Jazz搶過，會係一個不爭嘅事實；最近有口痕友問亞Mark，豐田有否推出第2代Echo嘅機會呢？亞Mark睇嚟無咁嘅必要，皆因呢類細車比比皆是，除咗部車嘅性能要突出之外，造型包裝亦好重要，Echo初期獨領風騷，自然凝聚有一班Fans追捧，而近日東瀛傳來消息，話豐田廠方決定響5月，推出一款名為i.s.t嘅細車，都可算係Echo同EchoVerso嘅混合新體，而且重帶點新款MiniCooper嘅輪廓，加上兩台1.3公升及1.5公升引擎配搭，亦都有唔錯嘅演繹，睇嚟呢部i.s.t.會係Echo嘅後繼車噃！各位豐田嘅Fans，就要拭目以待喇！