沈殿霞（肥姐）、胡楓、廖碧兒、陳伶俐及陳玟希等，昨日往紅磡出席「金至尊六大名相問前程」記者會，肥姐雖然身體不適，但仍畀面出席，並即場詢問堪輿學家麥玲玲有關她的健康問題。
一向稱為大眾開心果的肥姐，由於患上膽管炎，日漸消瘦，下月中還要做手術，在記者會上顯得有點疲累，她說：「𠵱家好容易累，每日就只係食白粥同煲濃湯飲，如果唔係就好易會肚餓。」
問肥姐為何帶病仍要出席記招，她說：「前年『金至尊』幫我同欣宜做咗個像，咁我一定要出席，好似我拍劇都要拍到四月底，都已經洗濕個頭，不過套劇個個都對我好好，我只有準時到，快啲拍完套劇去回報大家，但係我真係驚自己會俾人寵壞。」
其後，肥姐向堪輿學家麥玲玲問及健康問題，麥玲玲說：「肥姐手掌有瘀色，不過瘀色開始散，相信肥姐會喺三月五號之後會轉好。」