新聞多多的數碼港四月就入伙，專責該項目的資訊科技及廣播局副局長譚贛蘭AnnieTam噚日特登帶一批記者到數碼港實地了解項目進度。八方去到地盤，新穎科技暫時見唔到，不過項目總監就話嗰度保安嚴密，聘用的員工亦好嚴格，地盤開工咁耐都未見有I.I.（非法入境者）喺度做嘢俾人拉。
而且佢哋亦好為地盤工人着想，開咗間餐廳讓工人食飯，重叫做「快樂飯堂」。撞正噚日係中國情人節，Annie特登叫「快樂」整咗一窩糖水，係薑汁紅棗蓮子煲鴛鴦湯圓，請記者食，人人有份，每位限四粒。
（圖）叫得做「快樂飯堂」，喺裏面食飯唔知會唔會零舍開心啲呢？
E-mail：