國泰航空（293）升15仙，大股東太古A（019）升夠1.10元，第2大股東中信泰富（267）亦郁啲，升10仙。中信上禮拜由維持秩序部隊托上16.15元，𠵱家剩番15.25元，短期內升多過跌，啲Call輪要昅吓。
中信Call輪有5件，是日升幅由0.6%（9160）至2.8%（9142）。落手揀對象，最正嘅係9160，溢價在各輪中最低，槓桿率最高，成交亦OK，壽命平均唔係輸蝕太多。
9160（9月到期）現價16.5仙，溢價6%，槓桿率9.2倍。同壽命嘅9142，溢價6.8%，槓桿率6.8倍，9160拍埋去，靚多多聲。
個別大紅籌穩中向好，華創（291）收7.25元，有斗零進帳。華創Call輪3件，2隻微跌，1隻冇成交。
華創先一排7元見底，然後最高7.55元，未來走勢會好少少，搵定Call輪對象可也。
華創Call輪最正路對象係9059（7月到期），現價1.31元，溢價4.2%，槓桿率5.5倍，靚過其他同類輪。隻輪昨日最高1.40元，收1.31元，冇跟正股上升而反為偏軟，啱價買。