今日係元宵佳節，係傳統中國情人節，我哋請嚟忠實讀者朱先生一家人一同慶祝呢個大日子。朱生朱太係揚州人，結婚已六年，今個元宵更加係朱生最開心嘅一次，因為朱太又將添丁。朱生好識做，帶同太太食佢最鍾意嘅杭州菜，朱太當然係甜在心頭，重話喺食呢兩道菜時令佢回想起六年前初相識嘅溫馨情景。未諗到今晚同情人去邊處慶祝，不妨考慮吓喺屋企炮製以下兩款餸，夠晒浪漫㗎！
記者：陳冰麗 攝影：周旭文
甜絲絲其實係湯圓，但係做法則非一般烚湯圓咁簡單，而係將湯圓炸過後再放入煮溶咗嘅糖漿內拌勻，再撞入冰水內做成一絲絲效果，食落外脆內軟。拔絲香蕉食得多，呢款拔絲湯圓重係新嘗試，同愛侶一齊食，更加甜絲絲。
示範：杭州家鄉飯店公司王師傅
地址：銅鑼灣蘭芳道9號地下 電話：28949705
材料：（2人分量）
糯米粉3両
餡料：
豆沙2両
白芝麻少許
烹調心得：
1.搓糯米以不黏手為佳，邊搓邊壓糯米糰，以迫走空氣，湯圓至夠滑。
2.糯米皮要平均，避免一邊薄一邊厚。
3.炸湯圓油溫不能高，否則豆沙會流出。
4.煮糖漿時要邊煮邊攪，避免燒焦。
製法：
聽講杭州人每逢大時節都會食呢味餸作為宴客之用。呢味餸主要材料係海參及竹笙，兩者都係一啲較為矜貴嘅材料，參笙就係取其諧音心心，呢味餸最啱怕醜一族煮畀情人食。
材料：（2人分量）
海參半邊
竹笙2両
薑葱、芫荽少許
蝦子少許
烹調心得：
1.浸海參水滾後要熄火，勿繼續煲否則會腍爛。
2.竹笙無味，以上湯浸過增加食味。
3.蝦子連同蒜頭以白鑊略炒有助辟腥。
4.可用已發海參。
製法：