陳百祥及黃杏秀夫婦昨早全身白色服裝出現機場離境大堂，秀姑則多披一條紅色圍巾，十分搶眼，兩人透露此行去泰國芭堤雅拜神及拜會白龍王，問阿叻是否往還神，他說：「唔係，我哋每年正月十五都會去做個開年儀式，留一日就走，聽日就返嚟啦。」
問阿叻會否叫白龍王指點迷津，他說：「十年嚟師傅講嘢都好準㗎，會叫佢指點吓迷津，預測吓運程咁囉。」阿叻又透露他日前已經在馬場發了新年財，阿叻笑說：「簡炳墀畀咗貼士我，贏咗一個月人工到啦，不過都只係我贏錢嘅冰山一角。」據悉今次除阿叻及秀姑外，王晶與文雋等亦會赴泰國會白龍王，阿叻昨日說：「我哋成班人唔係約定㗎，咁啱一齊去啫。」
採訪、攝影：何國豪