李嘉誠妹夫查文宗大殮，儀式在十二時進行，超人及兒媳十點二十分就到靈堂。媳婦王富信更一直陪伴在李嘉誠身邊，直至大殮後，李澤鉅及李澤楷分別離開，王富信仍陪住誠哥，一起登車，送查文宗上山。呢個大舅，都算難得。
查文宗的治喪處設在香港殯儀館一樓基恩堂，由於親友眾多，所以殯儀館開了兩個廳。雖然查家一向低調，但因李嘉誠的名字，吸引大批傳媒到場採訪，長江中心的保安員亦被派到現場維持秩序。
在大殮儀式前十數分鐘，有傳媒嘗試走上一樓，希望拍得儀式情況，但電梯一開門，就被長江中心的保安員原𨋢遣返，無功而回的記者惟有待儀式後才上去「執漏」，看看有乜名人花籃同祭帳。
據知，昨日的公祭儀式共有四部分，首先係港九塑膠製造商聯合會，主祭係主席葉紀章，陪祭的有潘少忠、簡樹凡、陳國雄、陳堅及黃漢樑。
第二係ScaimeS.A，主祭係Mr.GuyMairot；第三係查氏電子實業（深圳）有限公司，主祭係陳偉昌；最後係查文宗夫婦嘅福田塑膠廠；由洪練昌率各部門代表悼念老闆。
至於誠哥，一直都好傷心。
E-mail：