踏入2002年後，至今仍未見有動作嘅日產，聽聞佢哋靜極思動，嚟緊佢哋將會有多款新車抵港；除咗全新一代迷你CityCar嘅March之外，聽聞最近Facelifted咗嘅Serena同Gloria亦會喺遲吓推出。
其中部Facelifted新版Gloria豪華轎車，除咗換上全新頭燈，令賣相變得更見辣味之外，新車嘅車廂鋪排同設備配搭亦見升級不少，以其280匹大馬力輸出，配合上日產出色嘅豪華車包裝，以唔到40萬嘅車價，跟一眾同級日本對手，確實有一定嘅競爭力同本錢㗎！若然你正想升級搵部高性能豪華轎車的話，不妨留意吓新版Gloria嘅動向喇！