家下市道低迷，市民慳得就慳，就連王子一向慣用手機，返到屋企都會飛線，大家可想而知啦！假如閣下唔係咁多口水嘅，相信手機月費都係一嚿水左右，若然經常周街Wet，可能連網絡商提供嘅優惠，都可以Cover到條數㖭。
除咗大家知道「生果台」嗰張姿訊卡去誠哥啲舖頭有優惠外，王子八到「九哥台」亦有換領劵寄畀用戶換領折扣卡，憑卡去「7仔」買雜誌平一蚊，買報紙都平五毫，一個禮拜買齊《便利》及《壹週》，加上每日一《蘋果》，都慳到唔少幫補吓台費！而「Mark哥台」同樣寄咗唔少Coupon畀客戶，早午晚三餐都有Jetso，算係一番心意啦！希望其他大台都跟埋風，賺咁多年錢回饋畀大家都好應該啫！