阿松呢輪閉門造預算，由朝到晚冇得唞。雖然班立法會議員唔高興新安排，即係同一日講預算開支同收入，噚日重向剛返港嘅煲呔告狀，但係睇嚟阿松唔會就範，一於推行新制。
對八方同成班行家嚟講，分開兩日容易啲應付，唔使咁辛苦，但係一齊公布就可以清楚啲向市民交代，呢個又係真嘅。政府實在需要一啲新變化，不必墨守成規。所謂針冇兩頭利，又即管睇吓阿松新方法效果如何。換了新財爺，各人都有所期望。
今次為阿松執筆嘅文膽叫ChrisSun，中文名叫孫玉菡，當然內容由阿松親自下廚烹調。
數數吓，阿松只有一個星期就要交功課，時間無多，真係周身唔得閒。
﹙圖﹚一個人點做得晒呀！（設計對白）
E-mail：