Helloeverybody！我Apple姐comeback啦！冇見咁耐我去咗邊？咪係搭吓飛機、坐吓郵輪歎世界咁啦。不過話時話，去過世界各地，我Apple姐都係最鍾意香港，因為就算我買名牌貨，多數都係直接經fax喺外國訂，啲香港名店嘅sales都仍然好樂意報料畀我聽。
好似最近我聽到單料，話說有個喺ball場都叫經歷過起跌嘅阿太，呢排見佢多番啲靚衫着，多咗好多見報嘅機會。唔講唔知，原來佢份人好鬼厚面皮㗎。遇到有大function，佢竟然會打電話或者直接走落去啲名店度，同啲sales講話佢即將會見報，要攞套衫着咁話喎。唉！難得佢咁唔顧身世，啲名店就更加難拒絕佢啦。所以呢，嗰位阿太最近換新衫嘅速度，快到「噓噓聲」，原來係着完即刻要還嗰隻嚟嘅。