老董今個星期四就可宣布連任成功，港人睇嚟都冇晒反應，當然大家最佩服老愛國雲大棉，佢係唯一一個全國政協委員拒絕參加畀面派對。
另一個全國人大代表曾德成唔做提名人，聽講只係為咗避嫌，因為佢老兄喺中央政策組做事，受特區政府二分四，老董又係佢老細，簽名提名有擦鞋之嫌；而范太就話自己係立會主席，要保持中立所以不簽。
既然只有雲老係真料，八方打電話去讚吓佢有吉士，因為提名是公開程序，好多人都怕被人認出，點知雲老仍然係嗰句，多一個唔多，少一個唔少。
八方聽聞，老董開初叫路祥安搵雲老，雲老唔制，你估路公公最關心係乜？就係雲老向外界會點講，聽完個標準答案，唔係反董，公公就放心。
後來，老董仍親自打電話求票，可惜雲老已返咗大陸唔喺寫字樓，冇機會聽阿董電話。
E-mail：