上星期，有雜誌話見到著名股評人「陸叔」陳永陸在中環陸羽茶樓同商台高層午膳，提起「陸叔」同商台合約都快到期，係時候談新約。八方咁蹺，上周六在一個公開場合遇上「陸叔」，當然第一時間問佢嗰份合約傾成點，但一向有問必答嘅「陸叔」今次就笑而不語，重叫八方畀時間等吓。八方當然覺得有內情，於是向「陸叔」身邊友人打探吓。
據線人話，「陸叔」上次其實唔係同商台高層會面，佢哋咁熟又點會咁樣傾合約呢？其實「陸叔」係同新城電台高層撐枱腳，記得新城行政總裁甘國亮前一輪才出嚟講嘢，希望今年可將新城由「雞肋」變成「雞髀」，靠的便是財經台，咁財經台又點可以少了有「散戶明燈」外號的「陸叔」。
不過，「陸叔」同商台關係良好，因此今次兩台「爭陸之戰」到底最終勝負如何，目前仍難預測，八方若有新料，第一時間會通知各讀者。
E-mail：